Maglilinis ako ng aking kwarto
na punong-puno ng galit at damit
mga bagay na hindi ko na kailangan
nakaraang hindi na pwedeng pagpaliban

Mga liham ng linihim kong pag-ibig
at litrato ng kahapong maligalig
dahan-dahan kong inipon
ngunit ngayon, kailangan nang itapon

[chorus]
‘Di ko na kayang mabuhay sa kahapon
kaya mula ngayon, mula ngayon

may jacket mong nabubulok sa sulok
inaalikabok na sa lungkot
may panyong ilang ulit nang niluhaan
isang patak sa bawat beses na tayo’y nasaktan

Alaala ng lumuluhang kahapon
dahan-dahan ko na ring kinakahon
natagpuan ko na ang tunay kong ligaya
lumabas ako ng kwarto’t naro’n s’ya

Magpapaalam na sa ‘yo ang aking kwarto
magpapaalam na sa ‘yo
magpapaalam na sa ‘yo ang aking kwarto